गावाकडे परततांना वडगाव(वान) जवळ नायलॉन मांज्याने चिरला गळा! युवक गंभीर जखमी…
संग्रामपूर ता प्र प्रभुदास पारस्कार :-
संग्रामपूर पळसीपुरा येथील रहिवासी शेख अनीस शेख गफ्फार वय 40 हे दानापुर येथुन येत असताना वडगाव वान परिसरात नायलॉन मांज्यामुळे गंभीर जखमी झाले. 16 डिसेंबर मंगळवारी रोजी सायंकाळी सुमारे 06 वाजता दरम्यान सदर घटना घडली. मिळालेल्या माहिती नुसार, शेख अनीस हे दानापूर येथे क्रिकेट खेळण्यासाठी गेले असताना आपल्या घराकडे संग्रामपूर पळसी पुरा येत होते .वडगाव वान दरम्यान अचानकपणे नायलोन मांजा त्यांच्या गळ्याला अडकल्याने गळ्याला गंभीरपणे चिरा बसला. घटनेनंतर त्यांना तातडीने वरवट बकाल येथील रुग्णालयात दाखल करण्यात आले. मात्र प्रकृती गंभीर असल्याने पुढील उपचारासाठी त्यांना अकोला येथे दाखल करण्यात आले असून सध्या उपचार सुरू आहेत. या घटनेमुळे नायलोन मांज्यामुळे होणाऱ्या अपघातांचा प्रश्न पुन्हा एकदा ऐरणीवर आला असून नागरिकांनी काळजी घेण्याचे आवाहन प्रशासनाकडून करण्यात येत आहे.
